Dy ministra të qeverisë “Rama” kanë bërë sot një tablo të mirë ekonomike në vend edhe pse vendi ynë vazhdon të klasifikohet si më i varfëri në Europë dhe me një papunësi të lartë që nxit të rinjtë të emigrojnë. Por për Arben Ahmetajn ka rritje ekonomike në nivelin 3.5 për qind, ndërsa Ministrja tjetër Olta Xhaçka foli për rritje të punësimit në nivelin 42 për qind.
Për kreun e Financave, Ahmetajn, në 2016-n rritja ekonomike u përshpejtua në 3.5 për qind, ndërsa këtë vit qeveria pret që shifra të shkojë 3.8 për qind. Ahmetaj thotë se tani qeveria ka mundësi të ulë taksat, veçanërisht për rrogat e larta.
Ministrja e Mirëqënies Sociale, Olta Xhaçka tha se premtimi i qeverisë në mandatin e dytë është prioritet për punësimin e të rinjve. Referuar statistikave, numri i punëkërkuesve është ulur në 94 mijë nga 150 mijë që ishin në vitin 2015. Xhaçka tha se edhe punësimi i të rriturve është në nivelin 42%.
Le të shpresojmë që deklaratat e ministrave të mos jenë thjesht për efekt elektoral, por të kenë baza të vërteta./tesheshi.com
