Te SPAK-u i sapoformuar nga mbërritur akuza e parë për t’u shqyrtuar. Ajo ka të bëjë me koncensionin e sterilizimit, e është shoqëria civile ajo që bën denoncimin, më saktë “Nisma Thurrje”.
“Mendojmë se duhet hetuar edhe nëse mënyra se si është parashikuar paketimi i seteve në kontratë ka ndikuar në rritjen artificiale të seteve të përdorura. Shumë mjekë kanë ngritur shqetësimin se ndarja e seteve nuk i përshtatet mirë diversitetit të nevojave të operacionit, dhe shpesh i detyron ata të hapin disa sete të sterilizuara vetëm për një instrument kirurgjikal, çka mund të jetë jo efiçente, duke krijuar kosto të panevojshme për buxhetin e shtetit.
Dyshojmë se ky planifikim jo i mirë ka ndikuar që vetëm në katër vitet e para shteti të paguajë 36 milion euro mbi vlerën fillestare të parashikuar në kontratë. Nëse rritja vazhdon me këto ritme në përfundim të kontratës vlera e saj mund të rritet deri në 70% mbi vlerën fillestare, pa kaluar asnjë procedurë kontrolli apo rishqyrtimi”, thuhet ndër të tjera në padi, raporton TCH.
Me ardhjen në qeverisje, qeveria “Rama” aplikoi PPP-në disa sektorë shërbimesh, gjë që ngjalli debate e aludime mbi afera korruptive. /tesheshi.com/
