Një deklaratë e ministrit të Brendshëm gjerman sipas së cilit “Islami nuk i përket Gjermanisë”, ka trazuar qeverinë e re të kancerales Merkel. Kjo e fundit është detyruar të japë mendimin e saj mbi Islamin, pra praninë e tij në vendin e saj nëpërmjet muslimanëve, e detyruar nga deklarata e vartësit, ministrit Horst Seehofer.
Ky i fundit, gjithsesi nuk u shpreh nën frymë islamofobe, por tentoi që të sqarojë statusin e muslimanëve në Gjermani, si dhe faktin se në identitetin gjerman Islami është pak ose aspak i pranishëm. Si argument ai solli të dielën si ditë jo-pune, festa fetare të krishtera, si dhe ritualin e Pashkëve e Krishtlindjet. Po rai kërkoi bashkëjetesë me muslimanët.
“Ne duhet të ulemi me përfaqësues të organizatave muslimane, të kërkojmë dialog, nëse është e nevojshme edhe të përhapim atë. Mendoj se muslimanët nuk duhet të jenë për apo kundër nesh, por ata duhet të jetojnë me ne. Për të arritur këtë nevojitet mirëkuptim i ndërsjellë. Kjo mund të arrihet duke biseduar”, tha ai.
Edhe Merkel ka shprehur qëndrimin se Gjermania ka vërtet rrënjë të krishtera, gjithashtu jehude, por vuri theksin dhe te prana islame.
“Shtetin tonë në masë të madhe e ka formësuar krishterimi. Edhe judaizmi ka lënë gjurmë. Por, në ditët tona tanimë në Gjermani jetojnë 4 milionë muslimanë. Pra, edhe muslimanët i përkasin Gjermanisë si dhe feja e tyre, Islami”, theksoi kancelarja gjermane. /tesheshi.com/
