Ka ndodhur diçka krejt e pazakontë në komunikimin publik të ish-liderit demokrat Berisha. Në profilin e tij në Fb, aty ku denoncon e akuzon parreshtur rivalët politikë, ai ka postuar së fundi diçka mjaft “poetike”. Në emër të kujtesës së dhe nostalgjisë, Berisha ka postuar një foto të tijën të para 27 viteve – ku siç mund të shihet ngjan paksa dhe me aktorin e njohur Sean Pen, sidomos nga modeli i flokëve – që është fjala e tij në të parën konferencë shtypi të PD-së.
“27 vite me pare ne konferencen e pare te shtypit te Partise Demokratike te Shqiperise! sb”, shkruan Berisha.
Nga pas, siç mund të vihet re, janë Preç Zogaj dhe Genc Pollo. Kjo është e para herë që Berisha poston diçka të tillë që ka të bëjë me të kaluarën e tij…demokratike. Pos kësaj, diçka që është krejtësisht e pastër nga mbingarkesa politike, asnjë akuzë. /tesheshi.com/
