Pas largimit të Haki Çakos nga kreu i Policisë së Shtetit, autoritetet e ministrisë së Brendshme kanë hapur konkursin për zëvendësimin e tij. Kështu, Akademia e Policisë ka nisur mëngjesin e sotëm konkursin për gradën “Drejtues i pare”. Në garë janë 33 policë, të cilët kandidojnë për të zënë vendin e lënë të lirë nga Haki Çako pas shkarkimit nga detyra.
Kandidatët për gradën madhor kanë më shumë se 3 vite që mbajnë gradën “Drejtues” dhe tashmë duhet të meritojnë gradën “Drejtues I Parë” për të qenë të caktuessshëm në postin e lartë të drejtorit të përgjithshëm të policisë.
Zyrtarët e lartë premtuan se nuk do të kishte më drejtor policie të përzgjedhur nga politika, por vetëm në zbatim të ligjit për policinë. Gjithsesi, kandidatët që do të fitojnë gradën, do të duhet të kalojnë sërish në sitë.
Konkursi përfshin dy faza, testimin me shkrim dhe me gojë. /tesheshi.com/
