Presidenti turk Rexhep Tajip Erdogan emëroi Ibrahim Kalin në krye të Shërbimit Informativ Kombëtar të Turqisë (MIT), raporton Anadolia.
Drejtoria për Komunikim në Zyrën e Presidentit të Turqisë njoftoi se në krye të MIT-it është emëruar Kalin, i cili është zëdhënës i Presidentit turk që nga viti 2014.
Si emër i njohur në skenën politike turke, 51-vjeçari Kalin ka mbajtur edhe postin e nënkryetarit të Këshillit për Siguri dhe Politikë të Jashtme të Presidencës së Turqisë dhe kryekëshilltarit të Erdoganit që nga viti 2018.
Ai është i martuar dhe ka tre fëmijë.
Pasi fitoi zgjedhjet më 28 maj, Erdogan zbuloi kabinetin e tij të ri pas një inaugurimi në kryeqytetin Ankara të shtunën.
Ministër i ri i Jashtëm i Turqisë është emëruar Hakan Fidan, i cili më parë ka qenë kreu i MIT.
Ibrahim Kalin njihet dhe si një intelektual klasi, si një ideolog musliman, autor i shumë shkrimeve e trajtasve mbi Islamin dhe muslimanët. /tesheshi.com/
