Pas betimit në Presidencë, ministri i ri i Brendshëm, Taulant Balla morri stafetën nga paraardhësi Blendi Çuçi, duke marrë prej këtij të fundu urime për detyrën e re, si dhe një dosje “exit-memo” me arritjet, prioritetet dhe një “road-map” për objektivat e ardhshme.
Balla nga ana e tij falënderoi Çuçin për punën e bërë dhe shprehu se në fillim të javës së ardhshme do të bëjë të njohura për stafin dhe publikun, prioritetet që ai ka vendosur në detyrën e sapomarrë.
Kështu, Taulant Balla, një zyrtar i lartë socialist merr detyrën delikate të ministrit të Brendshëm, hera e parë e tij me detyrë qeverisëse.
Nuk dihet nëse me Ballën do vijojë e njëjta traditë jo pozitive si me paraardhësit e tij, të cilët nuk e kanë përfunduar asnjëri mandatin. Më i fundit, Çuçi, “ra” nga Rajat e Fushë Krujës. /tesheshi.com/
