Pas shijes së hidhur të shpenzimeve marramendëse në fushatë, që kanë bërë partitë kryesore politike, por sidomos ato të mazhorancës, vijnë tashmë dhe festat e shumta post-zgjedhje.
Në shumë qytete janë organizuar këto ditë koncerte festive prej fitimtarëve politike, që kanë kostot e tyre, ndërkohë që mazhoranca ka paralajmëruar po ashtu një festë të madhe të hënën, fitorja e “Lokaleve” më 21 qershorit, do shkrihet me kremtimin e 24-vjetorit të themelimit të PS-së, për të cilin ditë më parë nuk pati asnjë organizim.
Edhe pse në ligjërimin politik qeveritar theksohet me të madhe kriza e trashëguar financiare, kjo kur është fjala për të përligjur mungesën e dukshme të një ekonomie në ringritje, kur është fjala për ta shtrënguar rripin në ca shpenzime krejt të panevojshme, siç jane festat, kjo nuk ndodh. /tesheshi.com/
