Fjalimi i pasdites i Bashës në çadër ka qenë sërish me tone të ashpra. Ai ka thënë se në nuk do ketë bojkot, shoqëruar më pas me frazën “nuk do rrimë duarkryq”, pa u kuptuar se përse ëshët fjala.
“E vërteta ka mbërritur në stacionet e mëdha të perëndimit. Droga dhe krimi janë kërcënimi për zgjedhjet e ardhshme. Pa zgjidhje për krimin e veshur me pushtet, pa zgjidhje të vërtetë, politike nuk ka e nuk do të ketë zgjedhje në Shqipëri.
Pra nuk do të ketë as bojkot se ne vetëm duarkryq nuk do të rrime.
Nuk do të rrimë duarkryq. Kemi ofruar sot gjithcka që PD mund të ofrojë për zgjidhjen, pala tjetër është tërhqeur edhe nga propozimet e javës së kaluar që vetë i loboi që në vetëvete ishin shumë më pak për të siguruar garancinë”, tha Basha, duke u përbetuar sërish se do zbresë në Kavajë.
Nga ana tjetër, Rama ka qenë më i rezervuar për të dhënë detaje nga takimi, duke bërë të ditur vetëm një tjetër paketë masah që i është dhënë opozitës si garanci për zgjedhjet që ajo kërkon.
“Kemi rënë dakord që te mos flasim, por fjalët i ka marrë era, i ka sjellë deri tek ju. Unë kam propozuar atë çka besoj shumë se adreson problemet objektive, pra një monitorim si asnjëherë më parë të gjithë strukturave të shtetit, të policisë së shtetit, të drejtorive rajonale të arsimit, të sistemit arsimor, të sistemit të burgjeve, ku janë pikat që kanë qenë pikat të adresuara si problematike në raportet e ODIHR dhe njëkohësisht një rregullore e dakordësuar si të shmangen perdorimet e aseteve shtetërore në fushatë dhe një kategorie aktivitetesh qeveriare që nuk duhen përdorur në fushatë. Më shumë se kaq nuk ka”, tha Rama, duke shtuar më tej se nuk trembet aspak për përbetimet e kryedemokratit për Kavajën. /tesheshi.com/
