Kombëtarja shqiotare e nisi me humbje sfidën europiane me trajner të ri italian, duke humbur me Islandën në Rekjavik, minimalisht 1-0. Goli për vendasit u shënua që në të parën pjesë, në minutën e ’22, pa mundur të barazohet nga të kuqtë, pavarësisht rasteve jo të pakta.
Ishte kjo e para ndeshje në kuadër të eliminatoreve për “Europianin 2020”, ku në pankinë ishte Edi Reja, pasardhësi i Panuccit, të cilit i bie për pjesë të shijojë dhe të parën humbje në të parin përfaqësim.
Ndër të parët që u prononcua nga të kuqtë ishte kapitetin Hysaj, i cili e quajti një “humbje të pafalshme”.
“Na vjen shumë keq, kishim punuar mirë këtë javë dhe mund të fitonim.
Goli? Gabim i pafalshëm, nuk mund ta pësonim ashtu, ishim 5 mbrojtës kundër një. Duhet t’i rregullojmë këto gabime, sepse kështu na ikin pikë të rëndësishme. Me pak kujdes, evitonim atë gol dhe shënonim ne, janë detaje të vogla dhe vendimtare”, tha Hysaj. /tesheshi.com/
