Presidenti i Bankës Evropiane për Rindërtim dhe Zhvillim (EBRD), Suma Chakrabarti njoftoi një rritje të fortë të financimit të Ballkanit Perëndimor prej 1.7 miliardë eurosh këtë vit, nga një rekord 1.3 miliardë euro vitin e kaluar.
Duke iu drejtuar samitit virtual në Zagreb, Bashkimi Evropian – Ballkani Perëndimor, ai deklaroi se BERZH do të rrisë mbështetjen për reformat që do të ndihmojnë rajonin të përballet me pasojat ekonomike nga pandemia.
Sipas tij, BERZH do të kombinojë gjithashtu mbështetjen e vet financiare për rajonin me grante nga partnerë të BE-së.
Presidenti i BERZH-së saktësoi se burimet financiare të destinuara për Ballkanin Perëndimor do të jenë një e treta më e lartë dhe do të arrijnë në 1.7 miliardë euro këtë vit.
Ai shtoi se BERZH është krenar të mbështesë me paketën e saj të ndihmës solidare për t’iu përgjigjur dhe rikuperuar ekonomitë për të luftuar efektet e kolapsit nga Covid-19.
Chakrabarti shpjegoi se financimi i BERZH-it në Ballkanin Perëndimor do të jetë veçanërisht i destinuar për ndërmarrjet mikro, të vogla dhe të mesme dhe financimin e tregtisë ndërkufitare, si dhe infrastrukturën e sektorit të energjisë dhe shërbimet e qeverisjes vendore.
Banka gjithashtu do të sigurojë investime që synojnë arritjen e rritjes ekonomike dhe krijimin e vendeve të punës gjatë periudhës së rimëkëmbjes pas pandemisë.
“Efekti i investimeve tona do të jetë i rëndësishëm,” tha Chakrabarti, duke përmendur se financimi i BERZH do të kombinohet me punën në masat e reformës, të cilat rajonit i duhen në kontekstin e pranimit në BE.
“Suksesi i kombinimit të investimeve dhe masave të reformës reflektohet në arritjet tona në terren në rajon … Jam i bindur që ky kombinim do të vazhdojë të ketë një efekt të gjerë, gjatë dhe pas pandemisë”, përfundoi presidenti i BERZH-it. /tesheshi.com/
