Kuzhinieri turk Yiğit Mirzaoğlu së bashku me shefin e njohur botëror Wolfgang Puck punuan në edicionin e 91-të të ndarjes së çmimeve të Academy Awards (që njihet si Oscars) duke shërbyer një menu ekskluzive me pjata osmano-turke.
Gjatë 25 viteve të fundit, Puck ka qenë emri i menusë ekskluzive që shërbehet në ballon e guvernatorëve, një ndeje pas Oskarit, ku morën pjesë rreth 1.500 emra elitarë të Hollivudit.
Kuzhinieri 69-vjeçar së bashku me 300 kolegë të tjerë kanë shërbyer të paktën 30 lloje të pjatave të ndryshme, duke përfshirë ushqimet e shijshme osmane.
Duke punuar me Puck gjatë tre viteve të fundit, Mirzaoğlu krijoi një menyu të frymëzuar osmane me gjellën popullore ali nazik të kuzhinës Gaziantep me patëllxhan të tymosur dhe me pure dhe pjesë të qengjit, levrek deti të marinuar në stilin e Egjeut dhe sherbetin e shegës të stilit osman dhe kadaif, e cila është një pastë e copëtuar me shurup të trashë me fëstëkë apo me arra, të shërbyer me puding salcë mastikë si ëmbëlsirë.
Puck tha se ai po planifikon të vizitojë provincën turke në Gaziantep në të ardhmen e afërt për të mësuar se si të prodhojë bakllava, të cilën ai tha se mund ta përfshijë në menunë e 92-të të Akademisë të vitit të ardhshëm. /tesheshi.com/
