Sapo ka përfunduar publikimi i rezultateve pas balotazhit të sa dielës në Maqedoni, ku BDI e LSDM morrën shumicën e komunave, Aleanca me BESË ka dorëzuar në Komisionin Shtetëror të Zgjedhjeve plot 86 ankesa, të gjithë vetëm për komunën Çair, aty ku humbja e kandidatit të saj ishte me vetëm 200 vota.
Nga kjo aleancë është thënë se ky numër i madh ankesash, qartazi tregon mbi shkeljet dhe parregullsitë e shumta që u vërejtën ditën e votimit, që padyshim kanë patur si qëllim manipulimin e rezultatit.
Bëhet fjala për qindra fletëvotimi të pavlefshme, si treguesi bazë i një parregullsie me efekt direkt në rezultat.
Në fakt, arithmetikisht, referuar rezultatit të zgjedhjeve të kaluara parlamentare, por dhe të raundit të parë, Aleanca me BESË duhej të kishte dalë e fituar lehtësisht në Çair. /tesheshi.com/
