Mjekja shkodrane nderohet me titullin e lartë nga bashkia
Anila Dushi
Egesta Lopçi vajza nga Shkodra që prej 18 vitesh jeton, studion e punon në Itali u vleresua nga Keshilli Bashkiak i Shkodrës me titullin “Mirënjohja e qytetit” për kontributin e saj në fushën e mjekësisë bërthamore dhe si përfaqësuese e denjë e Shqipërisë e Shkodrës në shkencat mjekësore në botë.
Mjeke berthamore në spitalin Humanitas në Milano, relatore për masterin e hematologjise pediatrike në “La Sapienza” në Romë, anëtare e komisionit pediatrik dhe etik në Shoqaten Europiane të Mjekesisë, janë disa nga eksperiencat e Egestes në fushen e shkencës në Itali. Egesta i përket një familjeje qytetare shkodrane e besimit islam, gjë që nuk e ka penguar atë të srudiojë në Itali, madje dhe të zgjedhë të mbajë veshjen dalluese të këtij besimi, siç është shamia.Egesta Lopçi ka mbaruar shkolln e mesme në gjimnazin”28 Nëntori’në Shkodër dhe pasi ka bërë kërkesën ka fituar të drejtën për të studiuar për mjekësi në universitetin e Bolonjës në Itali, ku ciklin e pare të studimeve e përfundon në vitin 2006 me vlerësim maksimal. Niveli i përgatitjes së saj dhe rezulztatet e laeta në universitet bëjnë që ajo të ndjekë specializimin në mjekësinë bërthamore, të përfunduar pesë vite me vonë.Aktualisht, po në të njëjtin universitet, ndjek doktoraturën mbi patologjinë tumorale të mushkërive. Kërkimet e saja fokusohen në përdorimin e PET-it si metodë hetimi e patologjive tumorale nëpërmjet injeksionit tëshënjuesve molekularë radioaktiv, i cili vëzhgon tumorin nga jashtë për të identifikuar karakteristikat e përhapjes së tij.
Këto informacione i shërbejnë pastaj onkologut dhe radioterapistit në goditjen precize të sëmundjes, duke reduktuar sa më shumë impaktin me pjesën e paprekur të trupit. Potencialisht mjekësia bërthamore lejon studimin e çdo tip tumori, me çfarëdolloj shënjuesi molekular.
Studimi për të cilin i është dhënë çmimi nga EAMN(Shoqata Evropiane e Mjekësisë Bërthamore,) i përket tumorit të prostates por kërkimet e Egestës janë përqendruar kryesisht me tumoret cerebrale, tumoret e mushkërive, që janë edhe argumenti i doktoraturës, me linfomat e të rriturve, me patologjitë epatike etj. Gjithashtu,ajo kooperon me grupin italian të studimit të linfomës së Hodgkin tek fëmijët dhe është referente e mjekësisë bërthamore për këtë grup.
Së bashku me disa kolegë të tjerë italianë ndoqo një studim për tumorin dhe neuroblastomën po tek fëmijët. Është autore dhe bashkautore e disa artikujve dhe librave shkencorë, ku i fundit është libri universitar Compedio di Diagnostica Medico Nucleare, në lidhje me diagnostikimin e sëmundjeve tumorale.
Ajo ka marrë çmim nga Shoqata Evropiane e Mjekësisë Bërthamore,(EAMN).
Në ceremoninë e dhënies së titullit Mirënjohje e qytetit të Shkodrës”, Egesta Lopçi shprehet se “po më dorëzoni një titull mirënjohjeje të qytetit por mirënjohja ime është ndaj Shkodrës, qytetin tim. Falënderimi im i madh është për qytetin që më ka rritur, brumosur, që më ka dhënë vlerat në jetë, edukatën, që më ka përgaztitur për nivelin arsimor dhe më ka ndihmuar të përballem me botën.
Shpresoj dhe do Zoti që unë të jem e denjë të mbaj këtë mirënjohjeqë më jepni sot”. Ndërsa myftiu i Shkodrës, Imam Muhamed Sytari, tha se në realitetet e sotme të qytetit tone kanë përherë nevojë për momnte të tilla fatlume kur mirënjohja kthehet në kryefjalë.Vlera e kësaj mirënjohjeje peshon edhe më shumë kur ka dinjitet e krenari, kur vendoset në duart e një njeriu të larguar që herët nga vendlindja e saj, duke kaluar muret e larta të lodhjes, mallit, paragjykimit dhe përballjes me vështirësitë e zënies së dijes, duke arritur maja të pashkelura më pare nga dikush tjetër, duke kapërcyer paragjykimin vrastar dhe fobitë e panumërta në raport me besimin, dijen, qytetarinë, vlerat.
Nëpërmjet arritjeve shkencore, shpikjeve të reja, studimeve dhe hulumtimeve të shumta në një prej fushave më të ndërlikuara të mjekësisë moderne, asaj bërthamore, Egesta Lopçi është dhe një model i një myslimaneje të përkushtuar, të disiplinuar dhe e veshur me petkun e moralit dhe mirësjelljes tipike islame, që kthehet në një ambasadore të denjë për Shkodrësn e Shqipërinë. Sot jemi të nderuar me këtë vajzë të re që mbart mbi supe eksperienca diturore dhe është një model për tu ndjekur sidomos nga rinia shkodrane”.
Titulli i është dorëzuar Egesta Lopçit nga anëtari i Këshillit Bashkiak të Shkodrës, Qarshif Hoxha. Vetë Egesta u shpreh me modesti për arritjet e saj të deritanishme ndërsa thekoi se një motivim të madh ka marrë dhe përmes besimit islam. Aktualisht mjekësia moderne përqendron këtë kërkim në identifikimin e atyre karakteristikave molekulare dhe gjenetike të tumorit për secilin individ, në mënyrë që të krijohet ilaçi specifik i trajtimit të tumorit dhe pacientit specifik. Ndryshe quhen terapi target ose shënjestër, pasi godasin në mënyrë specifike targetin e tyre molekular ose gjenetik.
Më pëlqen te mendoj që shembulli im është një dëshmi e këtij fakti, sepse kur ke besim të plotë te Zoti dhe vendosmëri në rrugën e drejtë, asgjë nuk të ndalon apo frikëson. Një musliman nuk duhet kurrë të tronditet në takimin me të tjerët për vlerat, besimin dhe zgjedhjet që ka bërë në jetë. Nëse dikush bën një koment për mbulesën islame, sepse të shikon me habi rrugës, kjo nuk duhet të jetë arsye të lëkundemi nga pozita. Ne si myslimanë duhet të sforcohemi vazhdimisht të rrisim besimin, vlerat dhe praktiken, në mënyrë që të jemi për të tjerët një shembull në të mirë, si në aspektin human, ashtu dhe në atë profesional. Fatkeqësisht shumë vëllezër dhe motra janë të diskriminuar ose të përjashtuar për shkak të besimit, kështu që unë do t’i këshilloja të mos dorëzohen, të kenë besim, sepse Zoti është më i miri i mbështetësve. Në Itali kam familjen, këtu jam formuar dhe stabilizuar profesionalisht. Falenderimi për atë që kam arritur deri tani i përket Allahut të madhëruar pasi çdo gjë arrihet nëse do Zoti dhe unë jam plotësisht muslimane. Pastaj falenderimi i përket familjes time prindërve, që kanë sakrifikuar për të ardhmen time dhe kanë qënë për mua si një shkëmb në mes të furtunës. “thotë Egesta Lopçi. /tesheshi.com/
