Portieri polak Wojciech Szczesny ka zbuluar se ka vënë bast me yllin e Argjentinës Lionel Messi gjatë ndeshjes së së mërkurës në Kupën e Botës mes Polonisë dhe Argjentinës (0:2).
Ai zbuloi në deklaratën e tij pas ndeshjes, duke thënë se ishte aq i bindur se nuk do të akordohej një penallti, saqë vuri bast 100 euro me Messi-n ndërsa VAR shqyrtonte situatën në stadiumin “974”.
Szczesny zbuloi pas fishkëllimës së fundit se kishte humbur një bast me Messi-n pas penalltisë dhe se nuk donte të paguante.
“Ne folëm para penalltisë, i thashë që mund të vë bast 100 euro që nuk do të ketë penallti. Kështu që e humba bastin kundër Messi-t”, tha ai pas ndeshjes.
Më pas ai bëri shaka:
“Nuk e di nëse lejohet në Kupën e Botës. Me siguri do të gjobihem për këtë. Nuk më intereson tani. As unë nuk do të paguaj”.
Kujtojmë se penalltia e gjuajtur nga Messi u prit në mënyrë fantastike prej tij.
Når du taper veddemål mot Messi, men nekter å betale😅
🎤@arilasos pic.twitter.com/fe6Bc6iH2q— TV 2 Sport (@tv2sport) November 30, 2022
Nuk është hera e parë që Szczesny mund të dënohet.
Arsenali humbi 2-0 si mysafir ndaj Southampton-it në ditën e parë të 2015. Portieri polak, i cili mbrojti të gjithë ndeshjen kundër Southampton-it, bëri një marrëzi pas ndeshjes përballë trajnerit Arsene Wenger.
Szczesny pinte duhan në dhomën e zhveshjes pas humbjes nga Southampton. Kjo e zemëroi Arsene Wenger-in dhe Szczesny u gjobit me 25,000 euro. Në ndeshjen e radhës, Ëenger futi në portë David Ospina-n. /tesheshi.com/
