Uebfaqja e njohur e xhudos, “JudoInside” ka shkruar për sukseset e njëpasnjëshme të kampiones olimpike në xhudo, kosovares Majlinda Kelmendit.
Në shkrimin e kësaj faqeje, Kelmendi thuhet se është kandidatja numër një për t’u zgjedhur “Atletja më e mirë” në ciklin olimpik 2012-2016.
“Prej kur fitoi titullin e botës në vitin 2013, Majlinda Kelmendi është mposhtur vetëm njëherë. Ajo humbje ishte nga Erika Miranda e Brazilit në vitin 2015, vetëm dy muaj pasi Kelmendi ishte kthyer nga lëndimi i gjatë”, shkruan “JudoInside”.
Më tej shkruhet se Kelmendi është aq dominante në kategori sa të gjithë të tjerat konsiderohen autsajdere për titull.
Kujtojmë se Majlinda Kelmendi po përgatitet për Botërorin “Budapest 2017”. /tesheshi.com/
