Portali maqedonas “Ohridsky” ka zbuluar se e vërteta për rastin “Monstra”, viktimë e së cilës ishin 5 fëmijë të vrarë maqedonas, ndërsa u dënuan me burgim të përjetshëm 5 shqiptarë, por që konsiderohen të pafajshëm, fshihet thellë në qendrën e VMRO-DPMNE-së dhe në Ministrinë për Punë të Brendshme.
Në tekst thuhet se redaktori i redaksisë së “Ohridsky.net” nëpërmes një telefonate, më 2 prill 2012, është informuar se po përgatitet një skenar në rajonin e Likovës dhe Radushë, se ka persona të uniformuar të UÇK-së dhe se duhet bërë apel në opinion, sepse ekziston mundësia që para festave të ndodhç ndonjë ngjarje ku mund të pësojnë persona të pafajshëm.
Sipas asaj që shkruhet në tekst, personi që ka informuar në redaksi është i punësuar në Agjencinë për Kundërzbulim, person i njohur për redaktorin.
Pas apelit të redaksisë, një ditë më pas autori tregon se ka marrë telefonatë dhe është qortuar pse ka publikuar lajm të ndijshëm, sepse është krijuar panik i madh.
“10 ditë rresht redaktori i portalit të njëjtë ka marrç telefonata të shumta për informacionin, deri në datën kritike të 12 prillit 2012. Atëherë doli ish ministrja e MPB-së, Gordana Jankullovska me lotë krokodili dhe tregoi shqetësim për ngjarjen dhe se vepra ka qenë terroriste, e cila përnjëherë erdhi nga qielli dhe se “Ohridsky” ka gënjyer” thuhet tutje në tekst.
Në po të njëjtin tekst autori tregon se rrëfimin do ta vazhdojë në pjesën tjetër të tekstit, ku do të zbulojë se e kujt është vetura kush janë kryerësit dhe si presidenti Ivanov dhe, siç thuhet në tekst, banda e VMRO-DPMNE-së kanë skenuar vrasje. /tesheshi.com/
