Dy burgime të përjetshme dhe 131 vjet burgim për 10 të pandehur, të akuzuar se kryenin vrasje me pagesë. Është kjo kërkesa e bërë nga Prokuroria për Krime të Rënda për këtë grup kriminal.
Sipas organit të akuzës, ky grup, udhëhiqej nga Admir Tafilaj, i cili drejtonte anëtarët e tjerë nga burgu, ku po vuan dënimin përjetë për krime të kryera më herët.
Prokurori i çështjes, Ervin Kondili gjatë konkluzioneve përfundimtare tha se hetimi ka nisur në shkurt 2015.
Përveç Tafilajt, burgim i përjetshëm u kërkua edhe për ekzekutorin Kristi Pine.
Ky i fundit kishte fituar statusin e të penduarit të drejtësisë, duke ju konvertuar dënimi në vetëm 10 vite heqje lirie.
Prokuroria kërkon që të dënohen me nga 35 vite burg dy të pandehurit tjerë, Elson Merdani dhe Dritan Peksani. Ata akuzohen gjithashtu për vrasje me paramendim, pasi së bashku me Kristi Pinen, të urdhëruar nga Admir Tafialaj, ekzekutuan në banesën e tij në Shkodër, Brahim Manin.
Emri i vrasësit me pagesë kristi Pine lidhet edhe me Alfred Qefalinë dhe Klajdi Shërmadhin.
Akuza kërkoi 27 vite dhe 21 vite për keta dy të prangosur, të cilët i vendosën tritol pronarit të një lokali pranë Qytetit Studenti në Riranë.
Per Aleksadern Goran, u kërkuan 5 vite burg, Fatos Koka, Albano Beqi me nga 3 vite burg, ndërsa Dhimitër Zoto 2 vite.
Këta persona, sipas prokurorisë, ishin prapavija e grupit kriminal që gjente armë dhe strehonte anëtarët e bandës së udhëhequr nga Admir Tafilaj. /tesheshi.com/
