Ambasada e SHBA-ve shpreson që Kosova sa më parë ta formojë një qeveri, e cila do të merrej me problemet akute për vendin, siç janë: zhvillimi ekonomik, integrimi evropian e stabiliteti rajonal.
Zëdhënësja e ambasadës së SHBA-së në Kosovë, Michelle Schon, ka thënë se pasi të certifikohen rezultatet shpreson që qeveria do formohet shpejt dhe pa vonesa.
Schon më tej për gazetën “Zëri” ka tërhequr vërejtjen se çdo vonesë në formimin e qeverisë së vendit nuk do të ishte në interesin e qytetarëve.
“Vonesat e gjata në formimin e qeverisë nuk janë në interesin më të mirë të Kosovës, ekonomisë së saj dhe popullit të saj”, ka përfunduar Schon.
Kujtojmë se i nominuari nga koalicioni fitues i zgjedhjeve PDK-AAK-NISMA Ramush Haradinaj ka paralajmëruar se qeveria do formohet pas certifikimit të rezultateve dhe sipas tij kjo mund të ndodhë në fillim të muajit korrik./tesheshi.com/
