Presidenti i Ukrainës, Petro Poroshenko ka paralajmëruar se ekziston një kërcënim kolosal i një sulmi të armatosur në pjesën lindore të Ukrainës dhe u ka kërkuar forcave të armatosura të pregatiten për të mbrojtur kufirin me Rusinë, nga rreziku i një pushtimi të vërtetë.
Pas sulmeve me armë mes ushtrisë dhe rebelëve filo-rusë, nga të cilat 24 persona kanë humbur jetën brenda 24 orëve, Poroshenko ka bërë me dije se mbi 9 mijë ushtarë rusë ndodhen në territorin e Ukrainës, ndërsa ka paralajmëruar se në vitin 2016 Kievi do të rrisë numrin e forcave të mbrojtjes.
Sipas komandantit separatist Eduard Basurin, 14 rebelë dhe 5 civilë kanë ndërruar jetë gjatë 24 orëve të fundit, ndërsa janë plagosur 24 civilë dhe 86 rebelë. Nga ana e Kievit bëhet e ditur se 5 ushtarë nga Ukraina kanë ndërruar jetë dhe 39 janë plagosur./tesheshi.com/
