Kryeministrit Rama nuk kishte si ta linte t’i ikte nga dora ky rast, ku pra bota shqiptare është përfshirë nga ethe nacionaliste pas shqiponjave të dyshes Xhaka – Shaqiri.
Një ditë pas FIFA i ndëshkoi shqiptarët e Zvicrës me nga një gjobë për aktin e tyre të lexuar si “provokues” ndaj serbëve, shefi i qeverisë shqiptare ka ftuar bashkëkombasit që të kontribuojnë në një xhirollogari, nën kodin “Mos kini frikë nga shqiponja”.
“MOS KINI FRIKE NGA SHQIPONJA është emri i llogarisë bankare ku gjithkush mund të japë një kontribut simbolik, për të paguar gjobën absurde të FIFA-s ndaj Granit Xhakës dhe Xherdan Shaqirit.
Shenja e duarve shqiponjë është shenja jonë dalluese e komunikimit në raste gëzimi dhe me keqardhje për ata që e keqinterpretuan shenjën e gëzimit krejt spontan nga një moment i bukur sportiv, në Raiffeisen Bank është hapur llogaria MOS KINI FRIKE NGA SHQIPONJA.
Kjo llogari u hap falë nxitjes së shumë miqve të këtij rrjeti social nga e gjithë bota, si falenderim e mirënjohje për dy sportistët që ngritën peshë në një gëzim sportiv miliona shqiptarë”, shkruan Rama.
Më herët, edhe presideti Thaçi iu përcolli serbëve mesazhin se “shqiponja nuk vret njereëz”. /tesheshi.com/
