Presidenti amerikan Donald Trump është i gatshëm të përdorë forcën ushtarake nëse është e nevojshme, tha Sekretari i Shtetit Mike Pompeo kur u pyet për krizën në marrëdhëniet me Turqinë për sulmin e saj në veri të Sirisë ndaj militantëve kurdëve, aleatëve amerikanë atje.
“Ne preferojmë paqen mbi luftën”, i tha Pompeo CNBC TV në një intervistë të hënën. “Por në rast se kërkohet ‘veprim kinetik” (një eufemizëm për përdorimin aktiv të forcës ushtarake vdekjeprurëse) ose veprim ushtarak, duhet të dihet që Presidenti Trump është plotësisht i përgatitur për të ndërmarrë një veprim të tillë”, tha Pompeo.
Trump, sipas CNBC, ka rënë nën kritika të forta për vendimin e tij për tërheqjen e forcave amerikane nga Siria veriore. Tërheqja i lejoi Turqisë që të ndërmerrte një invazion në zonën kufitare në fillim të tetorit, me shënjestër ato që i konsideron grupime terroriste.
Pompeo nuk pranoi të thoshte se çfarë “linje të kuqe” veprimi do të nxiste një përgjigje ushtarake amerikane, duke thënë se ai nuk dëshironte të “nxitonte përpara vendimit të presidentit nëse do të ndërmarrë një inisiativë frikësuese për të përdorur forcën ushtarake amerikane”.
“Ne kemi përdorur forcën ekonomike dhe sigurisht do ta përdorim. Do të përdorim gjithashtu forcat tona diplomatike. Këto janë preferencat tona”, tha Pompeo.
Departamenti i Shtetit nuk pranoi të komentojë deklaratën e Pompeos, sipas CNBC.
Nga ana tjetër, Trump u tha gazetarëve në një takim të kabinetit të hënën se SHBA “kurrë nuk pranuan të mbronin militantët kurdë”.
“Ne nuk do të marrim anë. T’i lëmë ata të luftojnë vetë”, tha Trump. /tesheshi.com/
