Sekretari i Shtetit i SH.B.A.-së përcolli shqetësimin e SHBA-së lidhur me zhdukjen e një gazetari saudit në Stamboll.
Sekretari amerikan i Shtetit, Mike Pompeo u takua në Riad me krerët e Mbretërisë, ku diskutoi me ta mbi fatin e gazetarit të zhdukur Jamal Khashogg.
Zyrtarisht, nga Departamenti i Shtetit u tha se Sekretari Pompeo falenderoi autoritetet saudite për gadishmërinë e treguar në hetime.
Pas Saudisë, Pompeo do të vizitojë Turqinë po për të njëjtin motiv.
Ndërkohë, sipas pohimeve të pakonfirmuara në mediat amerikane, Arabia Saudite është gati të pranojë se Khashoggi vdiq gjatë marrjes në pyetje, gjë që “shkoi keq” dhe se qëllimi fillestar ishte vetëm të rrëmbehej. /tesheshi.com/
