Sekretari i Shtetit i SHBA Mike Pompeo i bëri thirrje të mmërkurën Vatikanit që të bashkohet me Shtetet e Bashkuara në dënimin e pretenduar të shkeljes së lirive fetare në Kinë, duke deklaruar se Kisha Katolike duhet të drejtojë luftën për të drejtat themelore të njeriut.
Në një konferencë për lirinë fetare, të organizuar nga ambasada amerikane në Vatikan, ai tha se askund në botë nuk sulmohen liritë fetare aq shumë sa në Kinë.
“Ne duhet të mbështesim ata që kërkojnë liri më të madhe,” tha Pompeo.
Në të njëjtën kohë, ai bëri thirrje për angazhim më të madh të udhëheqësve fetarë dhe që ata të ngriheshin për të gjithë besimtarët.
Asnjë takim me Papën
Sekretari i Selisë së Shenjtë për Marrëdhëniet me Shtetet, Paul Richard Gallagher theksoi se Vatikani thekson rëndësinë e dialogut dhe respektit të ndërsjelltë në të gjitha marrëdhëniet e tij diplomatike.
Në prag të vizitës së tij në Vatikan, Pompeo shkroi një ese të botuar në revistën First Things, në të cilën ai theksoi se Vatikani rrezikoi autoritetin e tij moral duke nënshkruar një marrëveshje me Pekinin në 2018.
“Afërsia e vizitës së Pompeos në Vatikan me zgjedhjet presidenciale të SHBA, është arsyeja që Papa Françesku nuk e priti Sekretarin e Shtetit”, tha Gallagher.
Në vend të papës, Pompeo u takua me Gallagher dhe Sekretarin e Shtetit të Vatikanit, Kardinalin Pietro Parolin. /tesheshi.com/
