Sekretari amerikan i Shtetit i sapoemrëuar, Mike Pompeo i ka shprehur shqetësimin amerikan homologut të tij turk Çavushoglu mbi blerjen e njoftuar të sistemit raketor rus S-400.
Ata u takuan në prah të një takimi të ministrave të jashtëm të NATO-s në Bruksel, për ta diskutuar këtë çështje të mprehtë si përfaqsues të dy vendeve anëtare të Aleancës Atlantike.
“Sekretari i Shtetit ka vënë në pah shqetësime serioze amerikane nëse Turqia e realizon blerjen. Ai kërkoi nga Çavushoglu që të shqyrtojë me kujdes përdorimin e sistemeve ndërvepruese të NATO-s”, citoi Reuters një zyrtar të lartë amerikan.
Nga ana tjetër, Çavushoglu tha se Turqia mund të marrë parasysh një ofertë për blerjen e raketave Patriot apo sisteme të tjera të mbrojtjes ajrore të aleatëve të NATO-s. /tesheshi.com/
