Në një status të gjatë në FB, Genc Pollo, një ndër figurat e mbetura në hije në PD-në e Bashës, e quan katastrofë politike atë që ndodhi në 2019-ën më këtë forcë, djegien e mandateve dhe bojkotin e zgjedhjeve.
“Shoh se edhe mes deputetëve demokratë të (ri)zgjedhur në 25 prill ka ende debat ose të paktën opinione të kundërta mbi dy vendime të rëndësishme të Partisë Demokratike në pranverë 2019: djegia e mandateve dhe bojkoti i lokaleve (më tej djegia&bojkoti).
Këto dy vendime sipas një analize aritmetike i hoqën opozitës afro 8 mandate deputetësh me të cilat ajo do të mund të kishte realizuar rotacionin politik me një mazharonacë të ngushtë në Kuvend. Siç ndodhi edhe në Mal të Zi në gusht 2020. Disa studjues të tjerë konkludojnë se pa djegien&bojkotin opozita do të kishte marrë më shumë se 8 mandate shtesë.
Gjithësesi justifikuesit duhet të dinë se motivet e synimi kanë rëndësi por se rezultati e pasoja janë përcaktuese në politikë ashtu si dhe në çdo aspekt të jetës. Dhe në rastin e djegies&bojkotit këto të fundit rezultuan një katastrofë për Partinë Demokratike”, shkruan Pollo.
Për këtë, ai kërkon që në mbkedhjen e pritshme të Kryesisë të kërkohet falje për këto dy vendime. “Do t’u propozoja që, krahas një kërkesëfalje për gabimin, të konkludojnë se partia kurrë më nuk do të futet në ujra të tilla”, përfundon Pollo, i cili aktualisht ëshët vetëm anëtar i Këshillit Kombëtar të PD-së. /tesheshi.com/
