Demokratët suedezë hoqën Rebecca Fallenqvist nga detyra pasi ajo publikoi komente poshtëruese për Anne Frank.
Në një postim në Instagram, i cili tashmë është fshirë, Fallenqvist e ka quajtur ndër të tjera “imorale” Anne-n, sipas mediave suedeze.
Anne, e cila shkroi një ditar ndërsa fshihej në Amsterdam përpara se të kapej, vdiq në moshën 15-vjeçare në kampin e përqendrimit Bergen-Belsen në Gjermaninë naziste në shkurt të vitit 1945.
Njoftimi i Fallenqvist nxiti reagime të ashpra nga grupet hebraike dhe ambasadori izraelit Ziv Nev Kulman.
“E dënoj fuqishëm këtë fyerje të tmerrshme, mungesë respekti ndaj kujtimit të Anna Frank-ut”, shkroi ai në Twitter.
Jeta në një strehë të fshehtë
Drejtori i medias së demokratëve suedezë, Oskar Cavalli-Bjorkman i tha agjencisë suedeze të lajmeve TT se partia do t’i merrte seriozisht komentet “të papërshtatshme” dhe do të nisë një hetim të brendshëm për këtë çështje.
Pas pushtimit gjerman të Holandës, familja çifute Frank jetoi në një strehë sekrete nga viti 1942 derisa u zbuluan nga Gestapo në 1944 dhe u dërguan në kampet gjermane të përqendrimit, ku anëtarët e familjes, përveç babait, vdiqën.
Pas luftës, ditari i Anës u gjet në Amsterdam për vitet e kaluara në frikë të vazhdueshme dhe në izolim të plotë. /tesheshi.com/
