Në ditën e 7 Marsit, në media është shfaqur mësuesja e Taulant Ballës, e cila ka folur për ish-nxënësit e saj ta talentuar, siç e ka cilësuar ajo, sidomos në matematikë, duke thënë se ahere e shihte si një shkencëtar të mundshëm, pa e menduar se do bëhej politikan.
“Ishe aktiv dhe me shumë shumë talente. E aktivizoja në olimpiadat e Matematikës, i bëja mësime të veçanta në atë kohë, doja që ai të shkëlqente, të zgjidhte shkencat kompjuterike, besoja që do bëhej një shkencëtar shumë i mirë në atë fushë. Dhe nuk më erdhi mirë që e ndërroi. Filloi vitin e parë te Shkencat e Natyrës, Informatikë dhe pastaj ndodhi zgjedhja e tij. Ai shkëlqente në të gjitha lëndët, por matematikën e ka pasur dhe në 8-vjeçare ka qenë fitues i olimpiadës”, tha mësuesja Veronika Cfarku në Klan Neës.
Asaj i doli në linjë ish-nxënësi i saj, sot ministër, duke e përshëndetur, pas së cilës tha: “Nuk e prisja sepse kam kohë që nuk kam komunikuar me Taulantin edhe pse e ruaj atë foto të kohës së gjimnazit. Ishte nxënës i shkëlqyer”, u shpreh mësuesja tashmë në pension.
Kujtojmë se opozita ka dashur ta godasë Taulant Ballën me të shkuarën e tij fëminore, ku politikani shfaqet në Festivalin Folklorik të Gjirokastrës me një intepretim për Enverin.
Taulant Balla është diplomuar për Shkenca Politike në Rumani, ndërsa aktivizimin politik e ka në kohën e Nanos, duke u afruar nga ky i fundit në periudhën e fundit të PS-së në pushtet para se të bjerë në opozitë në 2005-ën.
Taulant Balla është shfaqur si një politikan i spikatur, duke qëndruar fort në lojë, por jo domosdoshmërisht simpatik për publikun.
Aktualisht ai drejton Rendin, aty ku kanë dështuar disa figura socialiste nga 2013-ta, me një prirje të fortë për të qenë histori suksesi në të parin post ekzekutiv. /tesheshi.com/
