Sergei Savostyanov, një anëtar i Partisë Komuniste Ruse dhe një anëtar i asamblesë lokale në rajonin më të gjerë të Moskës, sugjeroi në seancën e asamblesë që Rusia të “denazifikojë” gjashtë vende të tjera – Kazakistanin dhe Moldavinë, dhe katër anëtarë të NATO-s: Poloninë, Lituaninë, Letoninë dhe Estoninë.
Kujtojmë, presidenti rus Vladimir Putin nisi një pushtim të Ukrainës me tezën se ky vend duhet të “denazifikohet” dhe “çmilitarizohet”.
Por kujtojmë se Presidenti i Ukrainës, Volodymyr Zelensky, është me origjinë hebreje dhe paraardhësit e tij janë vrarë në Holokaust.
Për këtë ka folur edhe presidenti amerikan Joe Biden.
Dhe se si saktësisht Moska po kryen “denazifikimin” e Ukrainës, tregon fakti se rusët vranë një 96-vjeçar në granatimet e Kharkovit javën e kaluar.
Boris Romantschenko, një 96-vjeçar i mbijetuar i kampit të përqendrimit të Holokaustit, u vra në një sulm rus në Kharkiv.
“Shtëpia e tij u godit nga një granatë”, tha mbesa e tij.
Romantschenko u mbijetoi kampeve të përqendrimit Buchenëald, Peenemünde, Mittelbau-Dora dhe Bergen-Belsen. /tesheshi.com/
