Situata politike në Maqedoni sipas ish -inistrit të MPB-së, Lubomir Fërçkovski, është një kaos i vërtetë. Ai gjatë intervistës së fundit në emisionin “Top Telma”, ka deklaruar se në 15 vitet e fundit në Maqedoni çdo politikan rrugaç i cili nuk ka të mbaruar arsimim të lartë, brenda natës mund të bëhet ministër.
Për Fërçkovskin kjo ndez alarmin se institucionet shtetërore udhëhiqen nga njerëz të papërgjegjshëm, joprofesionistë, të cilët politikën e shohin si mjet për t’u bërë milionerë jo t’ju shërbejnë qytetarëve, duke e rrënuar edhe Kushtetutën e vendit në mënyrë që të kenë gjithçka nën kontrollin e tyre.
Ndryshe në opinionin e gjërë deri tani si ministër pa diplomë, gjegjësisht me diplomë të falsifikuar thuhet të jetë ministri aktual i BDI-së në Ministrinë e Arsimit dhe Shkencës, Abdylaqim Ademi. /tesheshi.com/
