Nga Mensur Krasniqi
Për të shkuar në misionet e huaja ushtarake, Maqedonia si kriter “de facto” e ka vënë kushtin e të paguarit një shumë të lartë parash, dhe jo kritere profesionale, meqë përfitimi i tyre gjatë misionit është afro 20 mijë eurove.
“Ushtarët profesionistë dhe personeli mjekësor, për të pasur mundësi që të shkojë pjesë në misionet e huaja, duhet që të paguajnë ryshfet nga 4.000 deri në 6.000 euro që është një e treta nga përfitimi i tyre nga misioni”, theksoi deputeti dhe lideri i PLD-së, Goran Milevski, në diskutimin parlamentar ku sillej vendimi për dërgimin në misione të reja ushtarake në Afganistan dhe për në Bosnje dhe Hercegovinë.
Nga Ministria e Mbrojtjes thonë se deri më tani nui ka asnjë dëshmi që dikushb të jetë përballur me dhënien e ryshfetit për të ikur në mision.
Por lideri i PLD-së theksoi se deri te këto të dhëna ka arritur pasi që ka ardhur në kontakt me ushtarët të cilët i janë ankuar për ryshfetin që po iu kërkohet.
“Ajo për të cilën nuk mund të pajtohem dhe që e që e kam obligim moral, është që të tregoj për mënyrën se si zgjidhet se kush do të shkojë në ato misione. Ushtarët profesionistë po ankohen se nëse duan që të marrin pjesë në misione paqeruajtëse duhet që të paguajnë rryshfet nga 4.000 deri në 6.000 euro. Një paqeruajtës në muaj përfiton 3.200 euro, për gjashtë muaj 19.200 euro. Dhe është e turpshme që nga këto njerëz që e rrezikojnë jetën të kërkohet ryshfet. Korrupsioni në ministri duhet që të ndërpritet. A nuk është e habitshme që njerëz të njëjtë nga personeli mjekësor shkojnë në mision tri-katër herë, ndërsa dikush nuk mund të shkojë në asnjë mision”, deklaroi Milevski duke iu drejtuar Ministrit të Mbrojtjes, Zoran Jolevski.
E di që e dini, plotësoi Milevski, ndërsa obligimi i juaj si ministër nuk është vetëm protokollar, obligimi i juaj është që këto ushtarë profesionist t`i mbroni nga krimi dhe korrupsioni në ministri.
“Unë jam i sigurt se nëse informacionet kanë arritur deri te unë, ato informacione i dini edhe ju. Nuk mund që të silleni me principin, asgjë nuk pash, asgjë nuk dëgjova”, shtoi Milevski.
Milevksi tha se sipas asaj që i kanë thënë ushtarët, ryshfeti iu është dhënë njerëzve në ministri; dhe kjo në një formë të fshehtë.
Por askush prej ushtarëve nuk ka dashur që me emër dhe mbiemër të tregojë se cilët janë ato njerëz që i kanë marrë këto para.
Tjetra, sipas Milevskit, që i referohet asaj çfarë i kanë treguar ushtarët, pa paguar ryshfet, në misioniet e huaja mund të ikin vetëm njerëzit nga partia në pushtet.
“Ryshfet duhet dhënë më së voni deri sa ushtari të arrije në aeroportin në Stamboll, dhe nëse kjo gjë nuk ka ndodhur, atëherë ai kthehet mbrapa dhe në vend të tij shkon tjetri”, saktësoi Milevksi. /tesheshi.com/
