Ambasadori në largim i Ukrainës në Berlin, Andrii Melnyk, është tejet i zemëruar me,kryeministrin e Saksonisë Michael Kretzmer, nga CDU. Ndaj, ftesa që i kishin bërë për të vizituar Ukrainën iu hoq dhe ai u quajt “i padëshirueshëm”.
E gjitha filloi me deklaratën e tij për “ngrirjen e luftës”. Konkretisht siç tha Melnyk, “me retorikën tuaj absurde për ngrirjen e luftës ju po nxisni Putinin dhe agresionin rus. Ju jeni të padëshiruar!”.
Më parë, Kretzmer, në një intervistë për ZDF, e kishte dënuar sulmin rus si një “krim të tmerrshëm”, por në të njëjtën kohë theksoi se “është e rëndësishme të argumentohet se kjo luftë duhet të ngrijë, se ne kemi nevojë për një armëpushim dhe negociata”.
Madje, kryeministri i Saksonisë theksoi se e sheh shumë pak këtë diskutim.
“Rusia nuk duhet ta fitojë këtë luftë, por kjo luftë nuk duhet të vendoset në fushën e betejës, sepse kjo do të kishte pasoja të tmerrshme për të gjithë ne”, shtoi qeveritari gjerman.
Por sipas Kievit, me armëpushimin, pushtimet aktuale ruse ndoshta do të pranoheshin dhe në çdo negociatë Ukraina do të detyrohej të bënte lëshime që nuk do të ishin të nevojshme pa sulmin rus.
“Procesi i negociatave do të çojë në një armëpushim në një luftë që nuk do të përfundojë. Rusia do ta konsiderojë atë një fitore dhe do të vazhdojë politikën e saj të zgjerimit”, tha për Bild disa ditë më parë këshilltari i presidentit ukrainas, Mykhailo Podoliak. /tesheshi.com/
