I ndodhur në Panairin e Librit, si dhe i fotografuar me një ish-deputet socialist, kreu i dorëhequr i PD-së dha një përgjigje “as mish, as peshk” në lidhje me atë ishtë tërhequr apo jo nga politika.
“Asnjë qytetar nuk tërhiqet plotësisht nga politika. Veçanërisht ata që kanë marrë besimin e qytetarë nuk mund të tërhiqen nga përgjegjësia që kanë para tyre.
Mund t’ju them që kjo kohë më ka shërbyer për të shpenzuar më shumë kohë me familjen. Për të shpenzuar kohë cilësore si ardhja në panairin e librit ku ftoj të gjithë prindërit dhe fëmijët”, ishte përgjigja e tij.
Basha i bëri këto komente teksa u ndal për blerje librash te Toena, me president Fatmir Toçin, ish-deputet i PS-së për një mandat, në 2013-2017.
Siç mund të dallohet, ai ka pozuar me qeshjen e tij karakteristike, për çka dhe është ironizuar në debate politike nga kundërshtarët.
Basha shfaqet hera-herës në disa takime demokratësh, si dhe shkruan ndonjë status në raste të veçanta, por pesha e tij publike si politik është në kuotat më minimale. /tesheshi.com/
