Politika shqiptare ka marrë një kërcënim të hapur e të pazakontë në formë presioni nga jashtë, nëse nuk e miraton reformën në Drejtësi më datë 21 korrik. Dhe ky kërcënim ka ardhur nga Berlini, ku politika gjermane ka qenë këto vite të qeverisjes së Ramës shumë më pranë asaj shqiptare
Kryetari i Komisionit për Çështjet Europiane në Bundestag, Gunther Krichbaum tha se puna do shkojë deri aty sa Shqipëria ta humbë statusin e vendit kandidat.
“Ne vërtet ju kemi mbështetur, por nuk do të qëndrojmë gjithmonë pas shpinës tuaj. Tashmë do të na keni edhe përballë. Durimi ynë nuk është i pafund. Ne nga ana jonë, Qeveria federale, Bundestagu ju mbështesim në të gjitha çështjet dhe në këtë kuadër ju keni marrë statusin e vendit kandidat, por nëqoftëse ne, në fund të ditës na krijohet përshtypja që kjo reformë nuk është e dëshiruar, që lufta ndaj korrupsionit nuk funksionon ashtu siç duhet, atëherë edhe ne në fund të ditës të marrim vendimin që t’ju heqim statusin e vendit kandidat”, tha zyrari i lartë gjerman. /tesheshi.com/
