Një tjetër politikan shqiptar pritet të hyjë në burg, jo për afera korruptive por për shpifje. Jo nga mazhoranca por nga opozita. Është Ervin Salianji, nga nga figurat e PD-së, angazhuar pak vite më parë kundër ish-ministrit të Brendshëm Fatmir Xhafaj, me anë të një audiopërgjimi të pretenduar, me anë të një personazhi të quajtur Babale, që sipas tij provoi se vëllai i Xhafajt, Geronti, merrej me afera droge. Por rezultoi që kjo nuk ishte e vërtetë, ishte e gjitha një sajesë, paçka se Salianji vijon të pretendojë të kundërtën.
Gjykata e dënoi atë me një vit burg për “kallëzim të rremë” e Apeli së fundi e la në fuqi këtë vendim, gjë që e çon politikanin demokrat pas hekurave, duke e marrë dhe mandatin e deputetit.
Tej kësaj, Salianji nuk rrezaton asgjë prej një politikani ndryshe, nisur nga mosha e re. Me një ligjërim të rëndomtë, pa asnjë intelekt apo finesë politike, ai përbën një trishtim plus për opozitën më të trishtueshme që ka patur Shqipëria që nga rënia e komunizmit. /tesheshi.com/
