Në kulmin e një situate të nxehtë politike, dy krerët e politikës shqiptare kanë zgjedhur të mesazhojnë nga Facebook-u, dy përjetime krejt politike. Rama shkruan mbi impresionet e takimit me Mogherinin të martën në mbrëmje, krahas homologëve të tjerë ballkanas.
“MIRËMËNGJES
dhe ju uroj një ditë të mbarë nga Brukseli, ku patëm mbrëmë një takim shumë pozitiv me Përfaqësuesen e Lartë të BE, Federica Mogherini dhe me liderët e Ballkanit Perëndimor për perspektivën europiane të vendeve tona; çelja e negociatave të Shqipërisë për anëtarësim në Bashkimin Europian është më afër se asnjëherë”, shkruan Rama
Nga ana tjetër, kreu demokrat Basha, si për të treguar se është dhe i lëçitur, citon Xhefersonin, ish-Presidentin e hershëm amerikan, thënien e të cilit e lidh me atë çfarë ndodhi në Kuvendin shqiptar, ku mazhoranca zgjodhi një Kryeprkuror të përkohshëm – femër, Arta Markun.
“Etërit Themelues të demokracisë më të fuqishme, demokracisë amerikane, na kanë mësuar se rreziku më i madh për lirinë është kur qeveria shkel Kushtetutën!”, shkruan Basha, duke përcjellë bindjen e tij juridike se zgjedhja e Arta Markut ishte shkelje kushtetuese. /tesheshi.com/
