Protestës së paralajmëruar për ditën e sotmë në ora 18:00 nga organizatat joqeveritare por të përmbajtura edhe nga lideri i LSDM-së, Zoran Zaev kundër vendmit të Gjykatës Kushtetuese që të risjellë Ligjin për Amnisti, ku i mundëson presidentit të shtetit të falë persona të lidhur me krim zgjedhor dhe vepra të tjera të rënda penale, në këto momente po i përgjigjen me një kundër-protestë para Gjykatës Kushtetuese mbi 1 mijë simpatizantë të partisë maqedonase në pushtet, VMRO-DPMNE.
Protestuesit planifikojnë të vendosin kampe qëndrimi para gjykatës, me qëllim okupimin e hapësirës ku qytetarët sot kanë planifikuar të marshojnë nga Qeveria, Parlamenti e deri tek Gjykata Kushtetuese kundër paralajmërimeve për ndryshime të Ligjit për amnisti.
Ndryshe me 5 vota pro dhe 4 kundër, Gjykata Kushtetuese para 1 muaji ka pranuar propozimin e presidentit të shtetit, Gjorgji Ivanov që të amnistojë manipuluesit e zgjedhjeve.
Ky propozim i presidentit vjen menjëherë pas hapjes së rastit “Titanik”, nga ana e Prokurorisë Speciale, Katica Janeva në të cilin të dyshuar janë nëntë persona për keqpërdorime zgjedhore, në mesin e të cilëve edhe ish-funksionarë të lartë shtetërorë.
M.Krasniqi – /tesheshi.com/
