Një hetim i policisë turke ka vërtetuar se terroristja që kreu sulmin në Stamboll ka marrë urdhër nga qendra e organizatës PKK/PYD/YPG (Partia e Punëtorëve të Kurdistanit) në Kobani të Sirisë.
Policia turke të hënën ka lëshuar një deklaratë në lidhje me hetimin pas sulmit të së dielës me bombë në rrugën Istiklal në Stamboll, ku humbën jetën gjashtë persona.
Policia arrestoi pak orë më vonë 23-vjeçaren Ahlam Albashir, shtetase nga Siria.
“Terroristja përgjegjëse për sulmin në Stamboll ka pranuar se ka marrë pjesë në trajnimin e inteligjencës PKK/PYD/YPG dhe se ka hyrë ilegalisht në Turqi nga Afrini i Sirisë”, tha policia turke.
#Istanbul police said on Monday it had detained 46 people in relation to an attack at the heart of the city, including Syrian woman Ahlam Albashir who is suspected to have planted the bomb. pic.twitter.com/0gs7go9MvA
— KUWAIT TIMES (@kuwaittimesnews) November 14, 2022
Pas sulmit terrorist, policia e Stambollit arrestoi 46 të dyshuar në operacione në 21 lokacione, pas shqyrtimit të pamjeve nga 1200 kamera vëzhgimi.
Departamenti i policisë në Stamboll përcaktoi përmes gjetjeve laboratorike se në sulmin terrorist ishte përdorur eksploziv TNT.
Shpërthimi në rrugën Istiklal të Stambollit vrau gjashtë dhe plagosi 81 persona. Pesëdhjetë të lënduar janë liruar nga spitalet, ndërsa pesë janë në repartin e kujdesit intensiv. /tesheshi.com/
