Në një anije të mbërritur në Algeciras, një prej porteve më të mëdha të Europës, në jug të Spanjës, u gjetën 200 kilogramë kokainë në një ngarkesë me ananas.
Frutat e mbushura me kokainë ishin shtënë brenda dhjetë konteinerëve me ananas. Policia gjeti mes mijëra ananaseve të freskët fruta të gërryer nga brenda, të mbushur më pas me kokainë, e të mbuluar me një dyll të verdhë për të mos tërhequr vëmendjen.
Ende nuk dihet vendi në Amerikën Qendrore nga është nisur ngarkesa, ndërsa policia ka ndaluar tre persona.
Eshtë bërë e ditur se dy kompanitë që kishin porositur ngarkesën drejtoheshin nga shtetas spanjollë me origjinë kolumbiane.
Trafikantët e drogës e kanë kthyer Spanjën në një trampolinë për kalimin e lëndëve narkotike nga përtej Atlantikut në Europë, duke shfrytëzuar lidhjet e ngushta të saj me ish-kolonitë në Amerikën Latine.
Policia kapi vitin e shkuar në të njëjtin port 2.5 tonë kokainë të fshehur brenda një ngarkese me ananas që vinte nga Kosta Rika, duke shënuar një rekord, si një prej sasive më të mëdha të drogës të rënë në dorë të institucioneve të zbatimit të ligjit në Spanjë.
/tesheshi.com/
