Edhe pas zbulimit të disa rasteve ku drejtues të policisë së shtetit janë të implikuar në kultivim e tregëtim kanabisi, ku rasti më flagrant ishte ai i Edvin Mekos në Ersekë, për kryeministrin Rama policia është shëmbëlltyra e suksesit të reformave. Por si për çdo mbrojtje që i bëri punës së qeverisë së tij, ai shtoi dhe frazën tipike “ka ende shumë punë për t’u bërë”.
Kështu u shpreh edhe për korrupsionin, që edhe nën qeverisjen e tij, jo vetëm nuk u frenua, por dhe ka dhënë shenja stoicizmi, porsi droga.
“Shqipëria ëshë larg së qëni e shëruar nga korrupsioni dhe kjo është një betejë që vazhdon. Por lufta më e mirë kundër kësaj është lufta për të modernizuar shtetin dhe nëse i referohemi këtij parimi ka shumë përparime për të cilat të gjithë së bashku duhet të ndjehemi mirë, edhe pse nuk janë të mjaftueshme”, u shpreh Rama, gjatë një komunikimi online me ndjekës të shumtë në rrjetet sociale, duke iu përgjigjur pyetjeve të tyre. /tesheshi.com/
