Një zhvillim i afërt me skenën e filmit “Koncert në vitin ‘36”, ajo e ndëshkimit të atij që rreh kalin e tij, duke i rrënë me kamzhik pasi nuk po ecte, ka ndodhur së fundi me ndëshkimin policor të një personi që ka tërhequr kalin e tij me automjet.
“Një 37-vjeçar është proceduar penalisht nga Policia, pasi ka tërhequr me një makinë tip Benz, një kafshë (kalë) në zonën e Selenicës.
37-vjeçari G.H banues në fshatin Mavrovë është proceduar penalisht për veprën penale ‘Keqtrajtimi i kafshëve’.
Policia njofton se është verifikuar dokumentacioni i automjetit të shfaqur në video.
‘Pas konstatimit të disa shkeljeve të Kodit Rrugor, shtetasi G. H. është gjobitur me masë administrative në vlerën 110000 lekë, ndërsa automjeti tip Benz është konfiskuar”, njofton Policia.
Kujtojmë se në film, skena trajtohet cinikisht nga skenari. Aty, dy këngëtaret, xha Mihali dhe Nesti Bënja, qeshin me ligjet e Zogut për të bërë shtet, të cilat përfshinin dhe ndëshkimin për ata që keqtrajtojnë kafshët. /tesheshi.com/
