Policia shqiptare zbardh një tjetër ngjarje të rëndë të ditëve të fundit në kohë rekord. Bëhej fjalë për një vjedhje të armatosur në një banesë në Zall Herr, ku grabitësit lidhën anëtarët e një familjeje.
Deklarata e Policisë thotë se “pas identifikimit të autorëve të dyshuar u organizua puna për lokalizimin dhe kapjen e tyre dhe pas disa orë krehjeje të zonës në fshatrat Grec dhe Tapizë u kapën dhe u arrestuan tre autrorët e dyshuar të kësaj ngjarjeje.
Në përfundim të veprimeve të para hetimore të kryera nga specialistët për Hetimin e Krimeve ndaj pronës në DVP Tiranë, në bashkëpunim me specialistët për Hetimin e Krimit në Komisariatin e Policisë Kamzë, u bë arrestimi i shtetasve: – J. A., 29 vjeç (organizatori i vjedhjes, i cili u kap në fshatin Grec); – N. B., 20 vjeç dhe D. B., 26 vjeç (vëllezër), të cilët u kapën në fshatin Tapizë, Nikël”.
Më vonë dolën dhe emrat e tyre: Jani Aruçi 29 vjeç dhe vëllezërit Ndriçim Bami, 20 vjeç dhe Durim Bami, 26 vjeç.
Reagoi dhe ministri Lleshaj, duke shkruar se “me angazhim intensiv dhe profesionalizëm ata i dhanë qytetarëve një lajm lehtësues, pas tronditjes që shkaktoi grabitja e shëmtuar dhe e ulët e një nate më parë”. /tesheshi.com/
