Për policinë rrugore shqiptare, masa ndëshkuese prej 5000 deri në 1500 mijë lekë gjobë për vendosjen e rripit të sigurimit nga ana e fëmijëve në sediljen e pasme, është diçka që duhet promovuar e jo dyshuar nëse është e drejtë apo jo. Ndaj dhe në një njoftim të fundit, aty ku bën bilançin e punë së saj në emër të zbatimit të ligjit, ajo e ka kryefjalë të saj nenin e shumëdiskutuar, teksa thotë: Policia e Shtetit vijon fushatën sensibilizuese për sensibilizimin e drejtuesve të automjeteve për vendosjen e rripit të sigurimit, për zbatimin e nenit 170 të Kodit Rrugor.
Kodi rrugor i ndryshuar parashikon që për mos zbatim të nenit 170, masa administrative varion nga 5.000 deri në 15.000 lekë , si dhe masa plotësuese pezullim i Lejes së Drejtimit nga 6 muaj deri në një vit për mungesë të pajisjes fiksuese kur është duke transportuar fëmijë nën moshën 12 vjeç. Më tej, jepen shifrat e masave të tjera ndëshkuese:
“Janë vendosur gjithsej 1.350 masa administrative, ku janë arrestuar në flagrancë 4 drejtues mjetesh, nga këta 3 të papajisur me Leje Drejtimi dhe 1 drejtues mjeti në gjendje të dehur.
Janë pezulluar gjithsej 23 Leje Drejtimi nga këto: 2 për pije alkoolike, 14 për shpejtësi dhe 7 për shkelje të tjera të ndryshme.
Gjate ditës së djeshme janë informuar 11.567 drejtues mjetesh për ndryshimin e nenit 170 të Kodit Rrugor.
Po në të gjithe vendin janë këshilluar 463 drejtues mjetesh për mosvendosje të rripit të sigurimit.
Janë vendosur 86 masa për përdorim celulari, 18 masa për mos vendosje të kaskës mbrojtëse, si dhe 188 masa të tjera janë për shpejtësi, parakalim të gabuar, etj.
Si dhe janë dërguar në OASH 23 drejtues mjetesh .
Gjithashtu janë këshilluar drejtues të automjeteve për shkelje të lehta të Kodit Rrugor”, përfundon njoftimi i Policisë së Shtetit, mbi rezultatet e “rrugorëve” në terren. /tesheshi.com/
