Policia Rrugore në Shqipëri vijon të paraqese shifra të punës së saj në ndëshkimin e kundravajtësve në timon, duke e ilustruar fushatën e saj edhe me video.
Gjatë 24 orëve të fundit, njofton kjo instancë policore janë vendosur gjithsej 1.546 masa administrative, ku janë arrestuar në flagrancë 13 drejtues mjetesh, nga këta 11 të papajisur me leje drejtimi dhe 2 drejtues mjetesh në gjendje të dehur; janë pezulluar gjithsej 48 leje drejtimi, nga këto 12 për pije alkoolike, 28 për shpejtësi dhe 8 për shkelje semafori e shkelje të tjera të ndryshme; janë vendosur 234 masa administrative për mos vendosje rrip sigurimi, 29 masa për mos vendosje të kaskës mbrojtëse, si dhe 76 masa për përdorim celulari, masat e tjera janë për shpejtësi, parakalim të gabuar, etj.
Kjo është përiudha më e vështirë për situatën rrugore, ku si pasojë e fluksit të automjeteve në rrugë, shtohen dhe aksidentet. /tesheshi.com/
