Policia e Qarkut Dibër njofton se ka nxjerrë nga ujrat e liqenit të Shkopetit në Burrel një tjetër automjet. Një muaj më parë, që aty u nxorrën tre të tilla, por pa asnjë njeri brenda.
Tashmë është nxjerrë dhe i rradhës, sërish pa asnjë njeri brenda. Automjeti është një Reno Skrin tip i ri, pa targa dhe me ngjyrë të zezë.
Sipas policisë, dyshohet që automjeti të jetë hedhur në ujrat e Shkopetit para tre e katër muajsh, ndoshta së bashku me tre të tjerët që janë nxjerrë pak kohë më parë.
Ajo ende nuk ka dhënë ndonjë version përfundimtar se përse kanë përfunduar aty automjetet, motivet dhe personat që i kanë hedhur.
Vetëm dyshohet se ato janë përdorur për qëllime kriminale. /tesheshi.com/
