Amara Majeed kishte një surprizë të pakëndshme që po e priste në mëngjesin e së enjtes.
Po atë ditë, policia në Sri Lanka i kishte publikuar fotot dhe emrat e gjashtë të dyshuarve në lidhje me sulmet terroriste të së dielës që vranë qindra vetë. Kështu, policia kërkoi ndihmën e publikut për gjetjen e tyre.
Por në një mënyrë që as policia nuk i ka rënë në fije, një foto studentore e të diplomuarve të Universitetit Braun e kishte bërë atë lajm të ditës.
Imazhi i saj bardh e zi shfaqet pranë emrit Abdul Cader Fathima Qadiya, një nga të dyshuarit e kërkuar. Tashmë, njerëzit kishin kuptuar se gruaja në foto ishte në të vërtetë Majeed, dhe u dyndën në profilin e saj në Facebook për ta akuzuar atë si terroriste.
“Çfarë lajmi për mëngjes!” thotë Majeed, e cila ka kohë që është e zëshme me aktivizmin e saj në emër të grave të Sri Lankës.
“Kjo është padyshim krejtësisht e rreme dhe sinqerisht, duke pasur parasysh se komunitetet muslimane tashmë janë shumë të shqetësuara, kjo është sinqerisht e tepërt.
Policia nxorri një “kërkimfalje” të enjten në mbrëmje, duke thënë se ata kishin përfshirë fotografinë e gabuar dhe se Majeed nuk ishte e kërkuar as për t’u marrë në pyetje.
Ky nuk është gabimi i parë i policisë, pasi sot u kuptua se numri i viktimave ishte “fryer” për 100, si pasojë e informacioneve të gabuara. /tesheshi.com/
