Një incident mes policisë së Malit të Zi dhe disa studentëve nga Tirana, të cilët kishin shkuar në këtë shtet për një udhëtim turistik, ka ndodhur në qytetin e Budvës.
Gazeta e Podgoricës, “Vijesti”, shkruan se nxënës nga shkollat e Tiranës kishin valëvitur flamurin shqiptar dhe e kishin puthur atë, duke bërë fotografi, në një nga plazhet më të mëdha në Budva.
Më tej, disa prej tyre kanë hipur në muret e vjetra të qytetit. Të nxitur nga qytetarët, policia ka ndërhyrë duke u marrë nxënësve flamurët e duke i përcjellë për në autobusët me të cilët kishin ardhur.
Sipas ligjeve malazeze, kjo mënyrë e shfaqjes së flamurit kombëtar është një kundërvajtje dhe trajtohet si prishje e rendit dhe qetësisë./tesheshi.com/
