Një situatë tensioni ka patur para Gjykatës Themelore në Shkup, për shkak se policia maqedonase nuk ka lejuar familjarët e pjesëtarëve të grupit të Kumanovës të jenë të pranishëm në seancën ndaj familjarëve të tyre. Kjo i ka revoltuar ata, të cilët kërkojnë të jenë të pranishëm ashtu siç jua mundëson ligji. Ndërsa policia arsyetohet se salla është e vogël dhe për këtë arsye nuk mund t’i lejojnë brenda.
Të revoltuar nga ky shkak, një grup i familjarëve janë nisur në drejtim të ambasadës së Kosovës në Shkup për të kërkuar ndihmë dhe llogari se pse asnjë nga përfaqësuesit e ambasadës nuk e mbikëqyrë këtë seancë me interes të madh për të gjithë kosovarët.
Në seancën e fundit, grupi i Kumanovës doli me dëshmi tronditëse që disa prej shokëve të tyre janë likuiduar pasi që janë dorëzuar. Pesë pjesëtar të grupit të Kumanovës, sipas dëshmive të pjesëtarëve të tjerë të akuzuar, janë vrarë nga policia pas arrestimit. /tesheshi.com/
