Ministria e Punëve të Brendshme e Maqedonisë së Veriut ka lëshuar urdhër arresti për të dyshuarin kryesor për vrasjen e organizuar të 14-vjeçares Vanja Gjorçevska dhe 75-vjeçarit Pançe Zhezovski.
Ljupçe Palesvki-Palço dyshohet se ka qëlluar Vanjën dhe Pançen dhe është në kërkim për krimet e rrëmbimit dhe vrasjes.
Bëhet fjalë për një person që ka një parti politike, dhe më herët është ndaluar në Serbi me fletarrest nga Kroacia dhe dyshohet se është i angazhuar edhe në ndërtim.
Palevski ka një parti pro-ruse të krahut të djathtë në Maqedoninë e Veriut, ishte i angazhuar në ndërtim dhe ishte në paraburgim ekstradimi në Beograd me një urdhër ndërkombëtar nga Kroacia. Ai gjithashtu kishte podcast-in e tij.
Në mesin e të dyshuarve për vrasjen e Vanjës është edhe Vlatko Keshišov nga Shtipi, i cili u ndalua dhe u arrestua. I dyshuari i tretë është Velibor Manev, i cili gjithashtu është ndaluar.
Paraburgim është kërkuar edhe për personin e tretë të ndaluar, Bora Videvski nga Velesi, thonë burime nga hetimi.
Të dyshuarit kanë qenë në marrëdhënie të ngushta me Palevskin përmes partisë radikale “Djathtas”, dhe kanë ndarë foto me Palevskin në profilet e tyre në Facebook.
Sipas asaj që shihet në profilin e tij në Facebook, Palevski ka reklamuar çdo ditë me përjashtim të 27 nëntorit, kur 14-vjeçarja Vanja u rrëmbye dhe u vra. /tesheshi.com/
