Policia e Tiranës ka shënuar tjetër rast identifikim dhe arrestim autori krimi në pak ditë. Biznesmeni Memli Begalla, vrarë pak ditë më parë në Bllok, ka si ekzekutor shtetasit Denis Demiri dhe Ardian Serezi. Kjo u bë e ditur nga vetë kreu i Policisë së Tiranës, Kastriot Skënderi.
“Si rezultat i hetimeve të deritanishme, rezulton se autorë të dyshuar të ngjarjes së ndodhur, ku u vra me armë zjarri shtetasi Memli Begalla, janë shtetasit:
– Denis (Alban) Demiri, 43 vjeç, banues në Tiranë. – Ardian Serezi, 49 vjeç, banues në Tiranë.Për të dy këta persona janë ekzekutuar urdhërat e ndalimit.
Nga veprimet e dokumentuara, rezulton se shtetasi Denis Demiri ka kryer ekzekutimin e shtetasit Memli Begalla.
Dyshohet se pista kryesore ku janë fokusuar hetimet është ajo e borxheve që nuk kishte shlyer viktima.”
Për arsye hetimore, nuk mund të bëjmë me dije të dhëna të tjera në lidhje me mekanizmin apo rolet si dhe përfshirjen e personave të tjerë në këtë ngjarje.”, tha kryepolici i Tiranës.
Ky është i disati rast kohët e fundit ku autorë krimesh kapen pak orë ose ditë nga kryerja e tij. /tesheshi.com/
